ته دسّ هیمه و رسن بورده
لا لا لا لا
ته قدِّ نشا و خرمن بورده
لا لا لا لا
اتا دم راحتِ دنیا نکردی
ته عمرِ صحرا بتتن بورده
لا لا لا لا خسته تنِ بلاره
شه مارِ بویِ پیرهنِ بلاره

 

————————————-
ته مه گره دائی توی بلاره
ته شو مسّه نشی خوی بلاره
مسّه لا لا خونسّی تا صوائی
لا لا لا لا
مسّه داشتی آرزوی بلاره
لا لا دل دارنه ارمونِ بلاره
بی ته دنیا مه زندونِ بلاره

————————————-
ته دوش مشته هیمه من ته بلاره
ته دس پره پینه من ته بلاره
ته دوش مشته هیمه من ته بلاره
ته دس پره پینه من ته بلاره
یا نشا کِردی یا مالِ په دئی
ته سر و تن خسته من ته بلاره
لا لا چش مشتِ اسریِ بلاره
ته مه دنیایِ خشیِ بلاره

————————————–

لا لا لا لا لا لا لا لا لالایی
لا لا لا لا لا لا لا لا لالایی
افتاب تنه دل گوش نوونه
بهار ته دس ونوشه نوونه
اگه دنیای خشی مه بووشه
جان مار گرمِ کشه نوونه
لا لا لا لا شه غمخواره بلاره
اسا ونه تن نخواره بلاره
لا لا لا لا شه غمخواره بلاره
لا لا لا لا شه غمخواره بلاره